最近內地水災災情嚴重,長江流域各個地方都面臨洪水威脅,阿史希望呢次水災能夠快啲過去,唔好有太多人命傷亡。

講到長江水災,較令人印象深刻可能係上世紀九十年代初嘅華東水災。1991年五六月期間,因持續暴雨導致長江流域省份出現水災,其中災害最嚴重就係安徽同江蘇兩省。據當時統計,安徽全省受災人口達4800萬人,佔全省總人口近七成,因受災而死亡人數有267人。江蘇全省受災人口就高達4200多萬人,佔全省總人口超過六成,因災死亡164人。

當年華東水災引起咗世界各地嘅關注,唔少國家都伸出援手救助災民,演藝界人士仲開拍電影《豪門夜宴》,以及响跑馬地馬場舉行「忘我大匯演」大型音樂會,而香港各界就為賑災籌得4.7億港元。香港人為賑災出錢出水,就係因為「血濃於水」呢四個字。

原圖嚟自網絡