好多人都會將一啲乜都講錢嘅人，形容為滿身銅臭。唔講就未必知，原來呢個係同古代一個皇帝有關。

呢個皇帝就係東漢嘅漢靈帝喇！話說呢話東漢昏君，因為要鎮壓黃巾賊，於是迫不得已動用埋自己嘅私己錢。黃巾之亂後嚟雖然慢慢平息，但佢就無晒錢，於是就諗到條橋，就係賣官鬻爵。據《後漢書‧靈帝紀》所載：「（光和元年）初開西邸賣官，自關內侯、虎賁、羽林，入錢各有差。私令左右賣公卿，公千萬，卿五百萬。」真係乜官都有得買，而且價值不菲。當時就有一位叫崔烈嘅人，佢就以五百萬錢買得司徒一職。點知佢响朝堂上聽到一啲對佢評價唔好嘅閒話，於是佢就問佢個仔崔鈞就話佢老豆，本來年輕個陣就有名聲，唔會做唔成三公，但依家就評價好差。」仲話「論者嫌其銅臭。」崔烈聽完之後好嬲仲舉杖擊之。滿身銅臭呢句話就係咁嚟喇！亦可以話係同漢靈帝呢位昏君有直接關係。

原圖嚟自網絡