早排阿史就提到中國史上唯一一位狀元駙馬鄭顥，佢當時係被皇上強行召回娶公主，呢個情景就令阿史諗起類似嘅故事，就係發生喺宋朝嘅「榜下捉婿」。

所謂嘅「榜下捉婿」其實就係宋朝時期一種流行嘅婚姻文代，喺發榜嘅當日，舌地嘅鄉紳富高都會全家出動，喺榜內嘅名單入面挑選登第士子做女婿，呢個情形就被稱為「捉婿」。要知道宋朝嘅科舉制度相當完善，唔少科舉試榜上有名嘅人都會名利雙收。於是，讀書人唔少都係希望可以金榜題名，進士五甲之內仲會直接授官，所以就有「滿朝朱紫貴，盡是讀書人」嘅講法。

亦都係因為以上嘅原因，既令到唔少男子大齡未婚，亦有唔少女子未嫁，令到「榜下捉婿」成為一個習俗，唔少家庭都想通過咁而得到一段美滿嘅婚姻，一啲權勢之家甚至出動壯丁「捉婿」，認真誇張。講到咁，到底「榜下捉婿」有咩事例呢？唐宋八大家之一歐陽修其實就係被翰林學士胥偃「捉婿」捉返嚟，只係冇幾耐胥偃嘅女喺歐陽修中進士之前就去世。除咗佢，據聞仲有宋真宗時河北人范令孫，就連宰相蔡京都曾經做過「榜下捉婿」，可見「榜下捉婿」真係成風，亦都印證當時真係「書中自有黃金屋，書中自有顏如玉。」

原圖嚟自網絡