「三姑六婆」分別係指邊啲人？

喺現代如果要話人成日講人是非、搬弄是非，好多時候都會用「三姑六婆」嚟形容，咁到底「三姑六婆」又係指緊咩人，點樣起源呢？

「三姑六婆」呢個詞係出自元末明初陶宗儀《南村輟耕錄》，其中嘅「三姑」同埋「六婆」都係各有所指。「三姑」就係指緊三種唔同宗教嘅出家女性，分別有佛教嘅尼姑、道家嘅道姑、專門卜卦嘅卦姑。而「六婆」就係指專門為販賣人口活動做中介嘅「牙婆」、幫人介紹配偶嘅「媒婆」、專門畫符施咒嘅「師婆」、妓院入面嘅「虔婆」、賣藥嘅「藥婆」同埋接生嘅「穩婆」。

今時今日睇嚟並唔係全部職業都有問題，但喺古代以上嘅職業都被視為唔正當，當中牙婆、虔婆、師婆唔少行為更加係被人病垢，所以很多唔好嘅事物都會同佢哋扯水關係。於是，世俗就對「三姑六婆」有住唔好嘅印象，仲會搬弄是非。