2009年匯豐「世紀供股」

之前提及過匯豐有個花名叫「大笨象」，今次就繼續講講匯豐呢隻股嘅「威水史」，有幾「威水」？就係大插水個下。

2008年，金融海嘯直捲全球，好多國家經濟都好唔掂，而匯豐銀行因為受北美業務拖累，加上經濟前景不明朗，於是股票就大插水。為咗救亡，於是匯豐就決定向股東提出十二供五計劃，集資177億美元，被外界稱為「世紀供股」。因為海嘯前匯豐股價一直好高，以當年供股價只係28蚊絕對係低價，呢個供股計劃亦成為唔少人嘅討論話題，唔少股民都話基於感情對匯豐投咗信心一票，最終獲96.6%股東認購完成，而匯豐個價亦好快上返去。

估都估唔到，十一年後，匯豐個價又跌返去供股價。