【焦點new史】中國太極拳申遺成功

呢兩日對中國人民同埋中國嘅武術界嚟講，都有一樣好重要嘅消息，就係申報咗足足有十二年嘅中國太極拳，終於都經聯合國教科文組織保護非物質文化遺產政府間委員會喺第15屆常會評審通過，成為中國第42個被列入聯合國教科文組織人類非物質文化遺產代表作名錄，位居世界第一。

太極拳喺中國有住好長嘅一段歷史，據官方介紹，太極拳起源自17世紀中葉，蘊含陰陽循環、天人合一等傳統嘅中國哲學思想。太極拳對於習武者嘅年齡、職業、體質又或者民族都冇限制，並且當中帶有養生嘅觀念，世代傳承，習練者遍布全國各地、甚至仲傳播出到海外。

雖然太極拳深受世人嘅歡迎，但呢條申遺之路一啲都唔容易！早喺2008年開始，中國就嘗試申遺，但當時係失敗嘅；而去到2009，由於申遺數量有限制，所以只可以選擇京劇、中醫；之後去到2011年、2013年、2014年等一共5次申遺都失敗。直到12年之後嘅2020年，呢一次太極拳第六次申遺終於都成功喇！

原圖嚟自網絡