提起西安，唔少人即時浮現喺腦海嘅印象就係兵馬俑，但呢個同戰國、秦朝有莫大關係嘅地方又點止得兵馬俑？近日就有考古團隊喺閻良區清理秦漢櫟陽城遺址果陣，意外咁清埋出當時戰國秦漢宮城區域嘅後宮區，咁都未算，考古人員仲進一步發現到呢個區域原來有埋浴室同埋排水系統，真係估都估唔到。

秦漢櫟陽城本身就係2001年國務院公佈嘅第五批全國重點文物保護單位，據相關文獻記載，呢個古城係秦獻公孝公時期、秦末楚漢相爭之際塞王司馬歇、漢初劉邦等人嘅都城。近呢兩年，考古人員亦都再次展開相關嘅發掘工作，唔單止搵到多座宮城建築，仲喺宮城入面發掘到浴室設施、壁爐、灶址、水井等生活遺跡，唔單止係目前為止第一次完整發現嘅戰國時期秦國後宮區域，呢啲浴室同埋排水系統嘅發現，亦都刷新咗考古人員對戰國年間秦國嘅認識。

原圖嚟自網絡