200年前英軍火燒美國國會

估都估唔到，美國民眾會衝入美國國會山莊，仲有警員响裡面向示威者開槍，呢場騷亂雖然好快就平息咗，但阿史睇新聞相見到國會山莊外火光紅紅，真係驚國會山莊會第二次被燒毁。

講得第二次，自然有第一次，响美國歷史上，美國國會大廈曾經被燒毁，不過呢件事就發生响200年前。當時加拿大仲係由英國管治，因此美加關係唔係太好。响1812年，美國對加拿大宣戰，初期英國因為要應付歐戰，所以响加拿大採取守勢。但响1814年開始，英國對法國嘅戰爭穩操勝券，於是就响本土派出軍隊投入大西洋對岸呢場戰爭當中。

美國軍隊對加拿大多佛港進行襲擊，加拿大總督就以此為由响美國攻擊。當時英軍就出奇不己突襲華盛頓兵力不足，海軍少將科伯恩認為攻入華盛頓「能產生重大政治效應」。結果英軍攻入華盛頓，並對華盛頓主要建築進行縱火行動，當中就包括美國國會大廈，1814年火燒國會亦成為咗美國歷史上一宗重大事件。