金像獎獎座同一個女藝人有關？

講到香港電影，就係要講講金像獎。呢個香港電影界最高榮譽獎項，係每個香港電影人嘅目標同夢想，亦係對香港電影人一個肯定。金像獎其中一個亮點，就係獎座，原來呢個獎座又有段故。

香港金像獎响1982年出現舉行第一屆，不過頭九屆嘅獎座就分別出現過幾個款，較為人熟悉就係由第四屆至第九屆使用嘅獎座，呢個獎座係一個表面凹凸不平、一個人以高速向前奔跑嘅銅雕刻品獎座。點解獎座個樣會變嚟變去係因為金像獎成立初期係屆屆都有唔同協辦單位，所以就無統一嘅獎座。到咗1991年第十屆個陣，就用咗以菲林繞住繆思女神嘅獎座喇！

呢個獎座個名叫「星光榮耀」，獎座上嘅繆思女神，其實係以港姐冠軍鄭文雅為參考對象。據講當時製作金像獎獎座嘅梁銓大師同佢個設計團隊，就响藝術作品中見到體態優美嘅鄭文雅，於是就邀請鄭文雅參與金像獎盃設計，獎座嘅繆思女神就係咁樣出現喇！