又係時候同史友們介紹一啲中國嘅奇人異士，之前就同大家講清朝嘅時候有一位有一位身高達到244cm、有「中國巨人」之稱嘅詹世釵，佢嘅身高當年就受到西方媒體廣泛報導；而其實喺近代嘅中國，都同樣有一位世界知名嘅「中國高巨人」。

阿史所講嘅呢位高人就係內蒙古嘅鮑喜順，佢喺2006年1月16日就以2.36米嘅身高成功打入《健力士世界紀錄大全》入面嘅「世界上健在的最高男人」，成功超越咗舊紀錄嘅突尼斯人拉德胡阿尼·沙爾比伯。

據了解，原來鮑喜順童年時發育正常，而佢嘅幾位兄弟姐妹都係正常身高，只係當鮑喜順到咗15歲嘅時候，就忽然暴長身高去到1.89米、20歲嘅時候仲有2.1米身高，單單係腳長就已經有1.5米，認真誇張。

就咁聽落可以大家都會以為佢有咩怪病，但其實經過全面檢查之後，佢嘅心肺功能及腦垂體分泌均屬正常，所以就係屬於自然生長；至於世界其實仲有一位土耳其人蘇丹·科塞（Sultan Kösen）身高2.47米，之但係佢原來係因為腦垂體腫瘤過大導致腦下垂體分泌生長激素過多而造成，所以鮑喜順仍然係呢個紀錄嘅保持者。

原圖嚟自網絡