呢幾日都同史友們講唔少西方列強喺殖民地對原住民所做嘅惡行，而呢班西方列強為咗彰顯「白人優越」呢個意識，除咗對原住民進行種族屠殺之外，甚至仲有部分殘忍將原住民當做「人肉動物」。

阿史所講嘅正正就係澳洲喇，每年嘅澳洲國慶日，都會有唔少原住民出嚟抗議，要求澳洲政府就事件負責。喺1788年1月26日，當時第一個英國人詹姆斯．庫克就喺澳洲嘅東海岸登陸，自此就有唔少英國流放犯嚟到呢個地方生活。

除咗持續嘅屠殺同埋捉呢班原住民做奴隸之外，唔少歐美國家當時都有一種特殊嘅癖好，就係將原住民當做動物嚟做展覽或者表演。據澳洲廣播公司報導，由1835年去到1958年，住喺澳洲昆士蘭北部棕櫚島（Palm Island）嘅原住民唔少都被引誘同又或者被強行帶走，當中有至少20族、3.5萬人喺1800年代被捉到俗稱「人肉動物園展覽」。

而呢班原住民去到歐美嘅國家就會被迫同腥腥一齊表演拉弓、摔跤，甚至喺法國仲有歐洲殖民者專門設立一個博物館將原住民嘅骨架同器官展出，就算去到1940年代都仍然有呢啲情況出現，真係慘無人道！

原圖嚟自網絡