形容人地做事草率、唔認真，今時今日好多時候用到用到「馬虎」呢個詞，但唔知史友們又有冇諗過，到底呢底呢種行為會同「馬」、「虎」扯上關係呢？

相傳喺宋朝嘅時候，京都就有一位畫家喺街頭之上即興作畫，佢先係畫咗一個虎頭出嚟，冇幾耐街上就有行人要求佢畫一匹馬。呢位畫家當時就唔想重新畫過，於是就喺「虎頭」嘅後面畫咗個「馬身」。咁果位路人見到當然就覺得奇怪，於是就問佢到底畫乜，呢位畫家就回應，係畫緊「馬馬虎虎」，仲話反正都係大型動物，都係差唔多咁。

雖然果位路人就鬧呢位畫家畫得不倫不類，但畫家自己就幾欣賞呢幅畫，仲將呢幅畫帶返屋企掛起。畫家嘅大仔見到就問，到底佢畫乜，佢就先答係虎，而二仔見到嘅時候，畫家就話係馬。接落嚟悲劇就發生喇，畫家兩個仔出門，大仔見到一群馬就以為係「虎」，結果就以弓箭射殺，畫家就用咗大部分積蓄去賠償；而二仔見到遠處有老虎，但就以為係「馬」想騎上去，結果就被活生生咬死。

經過呢場悲劇，畫家就後悔莫及，即時燒燬呢幅畫，仲作詩一首勸戒世人，大概內容就係「馬虎圖啊馬虎圖，像馬像虎釀悲苦。大兒依圖射死馬，二兒因圖餵了虎。大堂燒毀馬虎圖，奉勸諸君勿學吾；粗心草率貽禍患，做事認真莫馬虎。」

原圖嚟自網絡