又到中秋，唔知幾時開始香港多咗好多唔同類型嘅月餅，有啲係由傳統月餅改良，有啲就只係甜品做個月餅外型，都係乜都有。講到香港人鍾意食嘅月餅，就唔少得冰皮月餅。
相信史友們都應該聽過，冰皮月餅係由香港嘅大班麵包西餅發明，最初係用白蓮蓉做餡料，後嚟發展到用綠豆蓉就大受歡迎，今時今日唔少食品公司都會生產冰皮月餅，成為香港人過中秋一大應節佳品。不過，近年就有講法話其實以往已經有類似冰皮月餅嘅月餅，好似越南個邊就有軟皮月餅，做法同冰皮月餅一樣都係以糯米做皮，又係唔需要放入烤爐就可以食。當然！呢種軟皮月餅同香港嘅冰皮月餅唔係好同，好似餡料配搭就唔多一樣。所以冰皮月餅係原創定改良，就係唔知點下定論。
原圖嚟自網絡