嘩嘩嘩，又有一位中國青年創下歷史喇！繼巴西站之後，愛快羅密歐宣布出年嘅車手組合，就係由中國車手周冠宇夥拍保達斯構成來年嘅陣容。
就咁聽呢個消息可能史友們未必覺得好驚訝，但其實呢個陣容安排係意味住周冠宇成為首名全季鬥F1中國車手，年僅22歲就可以達成呢個成就，真係巴閉！現年22歲嘅周冠宇，喺8歲嘅時候就曾經駕駛過卡丁車，亦都因為咁由細到大都係喺賽車運動領域中成長。佢早喺2004年就對首次進入中國嘅F1賽車運動著迷。喺佢10歲嘅時候，佢就已經拎到卡丁車全國錦標賽8個分站全部冠軍、2014-2018年間，周冠宇係法拉利車手學院成員，連續征戰F4、F3和F2各級方程式賽事，真係相當有天份。
喺2020賽季F2錦標賽，周冠宇就六次登上過頒獎台，亦都拎到過首個F2正賽冠軍。而今次周冠宇「升班」，係首度征戰F1，阿史希望佢可以創下中國賽車新一頁！

原圖嚟自網絡