繼續同史友們介紹一啲有趣嘅歷史事件，喺歷史上紀曉嵐係乾隆時期大學士，深受重用負責修纂《四庫全書》，之不過其實曾經發生過一件事令到佢差啲就被殺，全靠自己機會先至死裡逃生，今次阿史就同大家講一講啦！

據講喺乾隆五十五年，當時就面對大旱災，唔少莊稼都死晒，百姓人心惶惶。當時乾隆就下旨要親自開壇祭祀祈雨並率領文武百官前往。而當文武官員都到咗天壇之下，就等皇帝命令宣讀祈雨禱文。之不過當時禮部尚書紀曉嵐原本以為自己會收到乾隆準備嘅禱文，但點知一打開竟然係一張白紙！

細思之下就諗起，原來乾隆原本諗住今次由自己寫禱文，但點知寫極都寫唔出，呢個時候紀曉嵐已經嚇咗一跳，如果讀唔出就係殺頭大罪。於是，紀曉嵐急中生智，緩緩開口：「帝曰：『咨爾龍，歲大旱，用汝行甘雨，汝其往，欽哉！』」簡簡單單一句，就顯示乾隆博學多才，又能起到禱文嘅作用，真係犀利！

原圖嚟自網絡