相信呢兩日唔少史友都仲係替珍寶海鮮舫「魂斷南海」感到非常可惜，始終呢艘海上食府滿載香港人嘅回憶。至於講到珍寶王國，昔日最輝煌個陣就曾經有三艘海鮮舫一齊泊响深灣，除咗珍寶同太白，仲有一艘海角皇宮。
海角皇宮本身香港仔避風塘其中一艘海鮮舫，响上世紀六十年代已經响香港仔避風塘出現。當時去避風塘食海鮮可以話係一種時尚，特別係對旅客而言就覺得好風味，結果香港仔幾艘海鮮舫生意都好好，海角皇宮更曾經擴建。到咗九十年代，因為香港仔要填海，三大海鮮舫就遷移至深灣，後嚟珍寶海鮮舫收購海角及太白，至於海角皇宮亦响呢個時候重新裝修，改建成為四層高的珍寶王國。可惜嘅係，後嚟出現亞洲金融風暴，香港經濟大受打擊，最終呢艘海鮮舫就賣咗去菲律賓，後嚟再去青島市。不過呢艘海鮮舫去咗青島後就好似無乜點發展，即係無重新開業。
原圖嚟自網絡