如果史友們曾經去過杭州岳王廟，應該都會知道呢個地方實際上就係埋葬咗南宋時期漢族民族英雄岳飛嘅地方，而後人為咗紀念呢位英雄就特意建廟。咁問題嚟喇，其實喺呢座咁高格規嘅廟理應唔會有咩錯處，但近日點解有位台灣姑娘喺參觀之時竟然發現當中有個「國」字缺少咗一點呢？阿史今次就同大家講一講啦！
其實喺岳王廟大殿內，牆身係鑲嵌住四個石刻大字，分別係「盡」、「忠」、「報」、「國」。雖然呢四隻字剛正有力，但其實並唔係由岳飛所寫，而係由一位明代著名書法家洪珠書寫。就咁睇呢啲字好似冇乜大問題，但如果大家細看，就會好似呢位台灣女仔一樣睇到「國」字其實缺少咗一點。咁到底係咪洪珠寫錯字呢？
答案就當然唔係啦，原因係岳飛當然係做到對國家盡忠，亦都一心報國，後世就解讀當時喺戰場上明明宋軍對金國連戰皆捷，但岳飛就因為「愚忠」而接受宋高宗召回，所以喺「報國」層面上就差咗一點。亦都有講法係指，呢一點係當時宋朝領土唔完整咁解。正正因為呢個缺咗一點嘅「國」字，唔少遊客去到當地都會以圖中嘅呢種方式補上呢一點！
原圖嚟自網絡