早幾日阿史就同大家講到，其實唔係每個官員都咁好彩可以成功告老還鄉，咁到底「告老還鄉」呢件事又有乜魔力令到咁多官員都想做到呢？阿史今次就同大家講一講啦！
其實喺大部分朝代，「告老還鄉」後嘅官員都可以得到原有職位嘅一半薪資繼續生活，咁退休後嘅官員又有啲咩可以做呢？最簡單嚟講，如果官員本身職級唔算太高，自然就可以去遊山玩水、種下田同子孫一齊享天倫之樂，平時仲可以寫作、書法等，相當之悠閒。
之不過，如果喺朝廷擔任過要職嘅官員，由於鄉民都認為佢哋本身就係權威，有住豐富嘅閱歷、見識與人脈，所以大大小小嘅問題都會問佢哋，並且稱佢哋為「鄉村菁英」。而且，每逢喜慶活動、重要場合，都會請呢班官員主持，所以生活其實都幾「忙碌」。
原圖嚟自網絡