早排阿史就同史友們介紹過圓明園澹泊寧靜遺址發現到皇家稻田遺蹟以及「田字房」嘅建築，而經過三年時間嘅發掘以及研究，考古團隊終於都全部揭開主體建築「田字房」建築基址嘅「面紗」，甚至仲搵到新嘅皇家稻田遺蹟，今次阿史就同大家講一講啦！
據考古團隊介紹，呢次考古發掘就一共搵到33間「田字房」建築，每間建築都係4.48米見方，廊深1.28米。雖然現時呢啲建築主體嘅部分已經唔存在，但仍然保留到完整嘅台基，由柱頂石、鋪地方磚、排水溝以及密集嘅地釘孔全部完整保留到。
「田字房」以及皇家稻田遺跡嘅發現唔單止體現到古代中國對農業生產傳統嘅重視，仲可以進一步了解到清代的禦稻培育、種植農耕技術以及研究清代皇家園林建築提供新嘅材料。
原圖嚟自網絡