提起荷里活第一位華人電影明星黃柳霜，相信唔少史友都可能會聽過佢嘅大名，而近日佢更加創下美國史上嘅第一次，阿史今次就同大家介紹一下啦！
近日美國鑄幣局就宣佈，為咗紀念美國憲法保護嫦女選舉權條文生效100周年，所以就特意挑選美國5個傑出女性作為主角，發行特別版嘅25美分硬幣。而估都估唔到嘅係，喺呢5位主角當中有一位正正就係荷里活第一位華人電影明星黃柳霜。
黃柳霜本名黃阿美，1905年出生在美國洛杉磯，，祖籍廣東台山，佢嘅祖父母就係喺1850年代前往美國加州淘金。黃柳霜喺屋企八名子女當中排行第二，而佢喺1919年就首次喺電影當中亮相，一生主演嘅60部電影橫跨默片、有聲片、電視劇、舞台劇等等，喺當時充滿種族歧視以及排華思想嘅美國，要取得咁樣嘅成就絕對唔容易。
而喺後來二次大戰期間，黃柳霜更加暫停演藝工作，支援中國抗戰，所以佢絕對係百年前一位勇敢嘅女性先驅！
原圖嚟自網絡