喺形容他人有野心、立心不良之時，大家都會聯想到「司馬昭之心」呢個詞，但喺歷史上，朱元璋嘅一個正常父親嘅舉動，其實仲比「司馬昭之心」更加恐怖，今次阿史就同大家講一講朱元璋剝桔啦！
相信史友們都必定知道，呢位明朝嘅開國皇帝為咗朱家嘅江山，就算連一班嘅開國功臣都可以殺盡，咁面對自己嘅仔，佢又係點樣對待呢？其實傳位嘅問題上，朱元璋原本係想將帝位傳畀太子朱標，但奈何朱標英年早逝，佢先至將皇位傳畀朱標之子朱允炆。
面對呢個舉動，朱元璋四子朱棣直接就興起造反嘅念頭。朱元璋當然就知道佢嘅心思，所以就召見朱棣入宮，一反常態咁樣親手剝咗隻桔、甚至連表面嘅細絲都清除乾淨咁畀朱棣食。當時朱棣受寵若驚，但直至同馬皇后提起此事，先知道背後暗藏殺機。
原來朱元璋為兒子剝桔，就係想剝佢皮、抽佢筋，係準備殺死佢嘅舉動。得知自呢個玄機後，朱棣就連忙向朱元璋自願申請調到北方駐守邊疆，先至保得住自己條命仔！
原圖嚟自網絡