以往阿史都同史友們介紹國內唔少知名嘅博物館，除咗有西安兵馬俑、故宮博物館、三星堆博物館之外，未來我國亦都有一座好特別嘅博物館可以畀大家前往參觀，呢座就係中國航天博物館喇！
近日，適逢中國運載火箭技術研究院成立65周年，中國航天博物館亦都隨即舉辦開館儀式，全國唯一國家級航天系統專業博物館就係咁樣正式開幕。中國航天博物館前身其實就係1992年建成嘅中華航天博物館，一直就設立喺中國運載火箭技術研究院內。而今年經過對展廳升級改造工程，加入導彈武器、運載火箭、人造衛星、載人航天等十大板塊嘅內容之後，就真正做到全方位展示中國嘅航天歷史與成就。
入到博物館當然就唔止得展板睇，館內同時仲收藏彈、箭、星、船、器在內嘅實物類展品百餘件、文獻史料千餘件，就連1059導彈發動機、神舟四號飛船返回艙、月壤等等嘅珍貴展品都一應俱全，航空迷一定可以大飽眼福。
原圖嚟自網絡