早排阿史就同史友們講到美國明尼蘇達州當舖老闆埃文·凱爾（Evan Kail）機緣巧合之下就收到一本二戰時期相冊，仲意外發現到當中竟然有三十幾張記錄咗日軍侵華暴行嘅相片。相關嘅相片傳出後，隨即就引發全球關注。
咁到底呢本咁重要嘅相冊又會何去何從呢？呢位老闆就喺日前有咗最終決定，佢將呢本咁重要嘅罪證無償捐咗畀中國駐芝加哥總領事館，並且表示呢次經歷足以改變佢嘅人生。對於呢位老闆嘅義舉，中國駐芝加哥總領事館相當感謝佢做嘅一切，並且表示埃文·凱爾所做嘅事正正就會激勵世人以善良之心維護和平，而我國亦都會繼續為中美人民之間文化聯繫以及友誼而努力，真係一個相當好嘅結果。
原圖嚟自網絡