近日福建就同香港舉行咗一個「福州新區閩港合作諮詢委員會」備忘錄簽署儀式，呢個備忘錄嘅簽署亦都意味住未來閩港將會進行長期交流合作。正如簽署儀式都有提到，其實福建同香港之間一早就已經有好深嘅淵源，阿史今次就同大家講一講啦！
福建人喺香港已經落地生根多年，但其實佢哋嘅先輩就早喺18世紀中葉經香港前往東南亞經商謀生，部分人發達之後就移居香港，並且喺中西區一齊進行各類嘅商業活動，就好似裁縫、理髮等等。福建人相當團結，早喺1910年代就已經成立商會，凝聚在港閩籍同鄉。而隨住郭春秧喺北角興建住宅、五十年代東南亞嘅排華潮出現，福建人口逐漸移居香港、聚居北角區，當區就因為福建同鄉會、福建商店及學校嘅增加，而慢慢由「小上海」變成「小福建」。
時至今日香港嘅人口當中就有110萬都係福建人，而最多福建人聚居嘅地方就有荃灣、北角、觀塘土瓜灣等地區。所以話，福建同香港之間真係有好深嘅淵源！
原圖嚟自網絡