關於一代功夫巨星李小龍嘅死因，其實歷年嚟坊間都有唔少猜測，但就礙於苦無證據令到真相未能大白。之不過，近日就有一份西班牙研究團隊喺醫學期刊發表報告推測，可能可以解釋到李小龍嘅真正死因喎，阿史今次就同大家講一講啦！
李小龍喺1973年喺香港拍攝《死亡遊戲》期間離奇死亡，關於佢真實嘅死因一直都冇人解答到。按當時嘅驗屍報告指出，佢嘅死因就係腦水腫，可能係因為服用止痛藥而引起過敏反應有關。就咁聽呢個原因，可能當年大家都覺得講得通，但近日喺西班牙聖尼塔利亞基金會衞生研究中心喺最新一期《臨床腎臟》嘅報告當中，就有新嘅講法提出。
報告當中就指出李小龍可能死於名為「水中毒」嘅低血鈉症，成因就係因為飲得太多水而腎臟無法排出，最終令到導致低血鈉症及腦水腫，患者就會喺幾小時之內死亡，唔知史友們又點睇呢？
原圖嚟自網絡