據首屆「中日友好與歷史責任」研討會上公布，喺「歷史·人權·和平」基金啟動運行三年幾嘅日子以嚟，曾經喺二戰被強迫在日勞動中國勞工家庭總算係得到謝罪款補償喇！
喺第二次世界大戰期間，有多達3765名中國勞工被迫到日本三菱綜合材料公司前身三菱礦業株式會社及其承包公司嘅作業場所勞動。喺惡劣嘅工作環境當中，就有722名中國勞工客死異鄉，而被迫勞動嘅中國勞工亦都一直得唔到道歉同補償。
為咗可以解決呢個沉重嘅歷史問題，中日兩國就有民間人士多年嚟努力，最終日本三菱綜合材料公司於2016年6月與3名中國勞工代表達成和解協議，並且承認其侵犯人權嘅歷史事實以及真誠地謝罪。日本三菱綜合材料公司就向每名中國勞工或其遺屬支付10萬元人民幣謝罪款，同時亦都為中國勞工被強迫勞動所在地設立紀念碑，為呢種悲劇嘅和解打開新篇。
而喺2019年，中國人權發展基金會與日本三菱綜合材料公司簽署託管協議，正式承接管理該公司涉及3765名二戰中國受害勞工權益嘅「歷史·人權·和平」基金，截至目前已為1290戶中國受害勞工家庭發放謝罪款1億2900萬元人民幣。
原圖嚟自網絡