以往阿史都同史友們介紹過古代後宮當中最悲慘嘅兩個群體，就係太監以及宮女。雖然兩者嘅地位都係後宮之中最低嘅一層，但如果身處一個唔同嘅朝代，宮女嘅地位其實係會比太監高，到底當中有咩原因？阿史今次就同大家講一講清代宮女嘅地位啦！
可能史友們心目中都有個疑問，就係點解明明宮女都係宮中地位最低下嘅一層，但喺唔同朝代地位又會唔一樣呢？答案就係其實清朝嘅宮女大多數都係滿八旗子弟嘅後代。同前朝唔一樣，清朝嘅宮女其實多數都係滿八旗子弟出身，佢哋嘅祖宗都係跟隨過努爾哈赤打天下嘅建州女真諸部，而作為論功行賞，當時建州女真諸部最普通百姓就有咗「旗人」呢個身份喇！
亦因為大家都係同一個祖宗，所以清代其實規定對於宮女係只能夠輕打，唔能夠罵，因為一句唔小心都可能會鬧到皇帝嘅祖宗。而呢啲宮女嘅地位自然就比太監高，到咗一定年齡仲可以選擇出宮嫁人，皇家仲會為佢哋送上豐厚嘅賀禮，真係估佢唔到！
原圖嚟自網絡