繼續同史友們討論一啲有趣嘅歷史謎題，提到清朝嘅幾代帝王，最為著名嘅自然就係開創康乾盛世嘅康熙、雍正以及乾隆三位皇帝，喺佢哋三代人嘅努力之下，確確實實係為清朝開創出一個盛世。之不過，唔知史友又有冇諗過，到底呢三位帝王離世後，邊個嘅國庫係淨低最多錢？阿史今次就同大家講一講啦！
可能唔少史友第一時間就會排除乾隆皇帝，但事實就係令到大家估都估唔到！喺康熙去世時，其實國庫中剩餘2716萬兩白銀；至於雍正死後就只係留下3453萬兩，但乾隆皇帝反而可以留低6939萬兩，呢個答案都真係令到大家意想不到。
不過，心水清嘅史友可能就會明白，明明乾隆在位年間六下江南、經歷「十全武功」，清朝實際上就已經由盛轉衰，又點可能會比前朝富有？答案其實就係雖然乾隆去世後國庫雖然有6939萬兩，但喺嚴重嘅通貨膨脹之下，呢個數目可能仲比唔上雍正年間嘅3453萬兩。
原圖嚟自網絡