嘩嘩嘩，真係一單重大嘅消息啊，據埃及政府宣佈，近日就成功從美國手上追溯返具有2700年歷嘅「綠色石棺」石棺蓋，令到海外流失文物成功被追討嘅案例又多一單實例。
據埃及旅遊及文物部長伊薩表示，呢塊長約3米、寬90厘米「綠色石棺」嘅石棺蓋其實係喺開羅附近嘅阿布西爾大型墓地遭洗劫後，喺2008年經德國走私進入美國，2013年被運往休斯敦自然科學博物館。「綠色石棺」歷史可追溯到古埃及晚期王朝時期，亦即係公元前664年最後一位埃及法老統治時期，而「綠色石棺」嘅主人更加係一個叫做阿肯邁特嘅祭司。由於石棺棺蓋上雕刻嘅面孔顏色為綠色，因此被命名為「綠色石棺」。
近年嚟，其實埃及就致力於阻止文物走私與盜竊工作，已經成功喺世界各地搵返5000幾件被盜文物，但其實仲有唔少重要文物就好似羅塞塔石碑仍然存放喺大英博物館當中。事實上，經過幾個世紀嘅殖民統治及暴力掠奪後，歐洲、美國博物館霸佔世界上數量最多非洲文物，呢啲文物嘅「返鄉之路」仍然係遙遙無期！
原圖嚟自網絡