早喺2022年4月，就有建築材料供應商喺英格蘭南部肯特郡海岸進行海底作業嘅時候意外發現到一艘狀況保存良好嘅都鐸時期船隻，喺意識到呢件可能係重要文物嘅時候，佢哋隨即就向「英格蘭歷史建築和古蹟委員會」報告，並且委員會好快就聯同威塞克斯考古隊（Wessex Archaeology）展開挖掘工作。
要知道水下考古並唔係容易嘅事，時隔多個月後，考古團隊對於呢艘就有最新嘅研究報告。威塞克斯考古隊雖然唔確定古船到底係咪喺16世紀就已經喺目前位置失事並且沉沒海底，定還是係因為使用壽命已到而被棄採石場湖中。但經過最近嘅測試發現，製造呢艘船嘅木材正正就係喺1558年至1580年之間採伐，呢點亦都反映古船係喺伊莉莎白一世女王統治時期（1558-1603年）建造。
呢艘古船嘅發現唔單止為考古學界提供16世紀晚期嘅造船證據，更重要係可以畀考古學家研究到喺英國航海史上係個活躍時期，以及喺伊莉莎白一世統治時代之下嘅海洋貿易狀況。
原圖嚟自網絡