繼續同史友們介紹我國古代行軍打仗時嘅一啲冷知識，之前就同史友們介紹過，由於古代嘅城池都係起喺一啲交通要道之上，並且依賴地形進行防守，所以如果想攻入敵方嘅領地，就必需要攻陷城池。之不過，其實行軍打仗就咁直接攻城並唔係上策，阿史今次就同大家講一講啦！
要知道喺兩軍交戰之時，雙方對於對方嘅手段都會略知一二並且事前做足準備，守城方就必然會做好防守工作，甚至連城外所有樹木植物都燒毀，令到敵方根本冇資源攻城，而喺攻城之時亦會準備好相關嘅防守器具，所以對攻城方而言，直接攻城絕對會死傷慘重。
咁到底點樣先係最佳嘅攻城手段呢？喺《孫子兵法．謀攻篇》就提到「上兵伐謀，其次伐交，其次伐兵，其下攻城」，要取得城池最好嘅方法並唔係攻城，而係以謀略挫敗敵軍、以外交手段瓦解敵人。具體嚟講就即係喺敵軍進攻之前，守城一方就需要盡一切方向斷絕敵方有可能用嚟攻城嘅資源，例如燒毀周邊嘅村莊、喺城外水源投毒；對內就需要儲存充足嘅戰事以及民生資源。
雖然以上嘅手段聽落好似好簡單，但只要進攻一方能夠令到敵方軍心動搖，就算好似地勢優越嘅南京城咁，都能夠不戰而勝，而做得好嘅守城準備，即使係一座小城都可以守得住幾十年。
原圖嚟自網絡