提到霍去病呢位歷史人物，相信唔少史友都知道佢係衛子夫姨甥，衛青外甥，同時亦都係西漢漢武帝時代對抗匈奴嘅名將，而喺佢抗擊匈奴，以800騎兵斬殺2000匈奴首級之時，佢就只係得17歲。霍去病就係咁樣成為中國歷史上唔少名將嘅偶像，而佢「去病」呢個名嘅由來，亦都係唔少教科書當中嘅故事。
咁點解阿史又會冇啦啦提起呢位人物呢？事源就係近日喺甘肅蘭州就有唔少遊客自發對「霍去病」雕塑做一件事，就係大排長龍去摸霍去病雕塑，以此求得自己百毒不侵，不會得病。雖然大家都知道霍去病呢位武將係英年早逝，但呢個舉動反而係同「去病」嘅故事有關。
相傳喺「霍去病」出生之時，母親衛少兒帶佢去宮中搵妹妹衛子夫玩，而當時武帝就武值感冒之時，突然聽到一聲嬰兒嘅大哭，一瞬之間所有冷汗都嚇到出曬嚟，感冒亦都就咁就好返。而呢位令到武帝嚇出冷汗嘅嬰兒，就此得名「去病」。所以，摸下「霍去病」雕塑寓意「祛病」，其實都算係個合理舉動！
原圖嚟自網絡