以往同史友們介紹到木乃伊嘅時候，呢啲裝備豪華嘅木乃伊生前嘅身份唔係法老就係一啲皇室嘅成員、達官貴人，身份都係相當顯赫，但唔知大家又有冇諗過到底有冇非王室木乃伊呢？阿史今次就同大家講一講啦！
近日埃及考古團隊就喺埃及知名墓地薩卡拉（Saqqara）以南一個墓地15公尺深嘅豎井底部發現發現到一具被認為係有史以來發現「最古老、最完整嘅非皇室木乃伊」。據了解，呢具木乃伊名為伊赫卡謝佩斯（Hekashepes），呢具木乃伊喺發掘之時就係被一個大型密封嘅石灰岩石棺覆蓋，而喺石棺內呢具木乃伊就係「被金箔覆蓋」。據進一步分析同研究，考古團隊就認為呢具木乃伊並唔係皇室人員，而佢嘅年代係可以可追溯至埃及第5、第6王朝，時間大約係西元前25至22世紀，有住相當悠久嘅歷史。
而同樣喺呢次發掘過程中，考古團隊仲喺第5王朝最後一位法老烏納斯（Unas）嘅金字塔群當中搵到一個名為庫努傑德（Khnumdjedef）祭司、貴族監督員嘅古墓以及另一位「秘密守護者」梅里（Meri）墳墓，真係相當豐富嘅一次發現！
原圖嚟自網絡