作為司馬懿嘅孫，司馬炎喺歷史上佢做到自己爺爺想做而做唔成嘅皇帝，喺建國之後通過一系列嘅政策例如責令郡縣官勸課農桑，嚴禁私募佃客、招募原吳、蜀地區人民北來等等措施，令到國家經濟順利發展、國內局面穩定，喺史書上呢個階段更加被稱為「太康之治」。
國家得以順利發展，但司馬炎並冇因此成為大家眼中正常嘅君主，反而係一下子「放飛自我」。喺楊皇后病重以及滅吳之後，司馬炎就開始怠惰政事，沉迷女色，佢唔單止要求天下喺佢選妃之前禁止婚嫁，甚至仲為自己遺秀諗出好多新花招。
廣納天下美女嘅司馬炎後宮人數其實係多達萬人，就算司馬炎每日都見，至少都要20年先見得晒。為咗令到呢件事更加有趣，佢就諗到「羊車望幸」呢個做法，即係羊車停到邊度，佢就去邊個宮休息。為咗可以令到羊車停低，唔少妃子都諗盡方法，有啲就喺門前插上竹葉，而有啲就將鹽水灑喺門前，企圖令到羊車停低，等司馬炎嚟到自己宮門前，呢個就係「羊車望幸」嘅故事喇！
原圖嚟自網絡