繼續同史友們介紹清朝末代皇帝溥儀嘅一啲生平經歷，要知道即使溥儀係身為亡國皇帝，喺民間其實仍然有一定威望，咁到底喺佢冇得再做皇帝之後，佢本人又嘗試過咩工作呢？阿史今次就同大家講一講啦！
喺二戰日本戰敗後，曾經作為「傀儡皇帝」嘅溥儀就被蘇聯軍隊俘虜送往俄國關押。而喺1959年蘇聯特赦溥儀後，作為平民之身嘅佢就需要為自己嘅日常生活負責，換言之溥儀即係需要一份工作。
對於呢件事，其實當時就有唔少人提出過建議，有人提議溥儀到故宮進行「勞動鍛煉」，但當時周恩來總理就擔心，如果一個皇帝做返到自己最熟悉嘅故宮從事「導覽員」一職，可能會引起民間強烈關注，於是就建議佢轉份工作。
喺周恩來總理安排之下，最終就為佢溥儀搵到科學院植物研究所擔任植物園管理者嘅工作，既唔會對民間造成不良影響，又可以修身養性過埋下半生。
原圖嚟自網絡