之前就同史友們介紹過，古代嘅中原國家為咗換取兩國之間嘅短暫和平，經常都會將自己國家嘅公主下嫁到其他地方，呢種特殊嘅婚姻制度就係「和親」。但唔知史友們有冇留意到一個特殊嘅現象，就係往往就只有中原國家嘅公主嫁到匈奴，但就冇匈奴女子嫁到中原呢？阿史今次就同大家講一講啦！
咁固然尋求和平嘅一方係中原國家，匈奴自然就冇必要將自己國家嘅女子嫁到中原，但就算真係有匈奴女子肯嫁過嚟，中原男子都唔一定能夠接受。由於兩地嘅婚姻制度都係唔同，匈奴嘅男子如果去世後，女子係需要嫁畀自己老公嘅兄弟又或者兒子，對古代嘅中原男子而言，呢一點係唔能夠接受，甚至仲牽涉到貞潔方面嘅問題。
而且匈奴女子自幼所接受嘅教育都唔同，飲食習慣唔同、「三從四德」嘅觀念亦都唔能夠限制到佢哋，再加上中原男子視外族為蠻族，自然就唔可以一同生活。
原圖嚟自網絡