繼續同史友們介紹一啲有趣嘅宮廷知識，喺唔少影視作品當中，每當有大內待衛嘅場面，大家都可以睇到一個個英姿凜凜嘅高手腰間都係佩帶一把刀，但關於呢把刀嘅擺法喺影視作品當中就各有唔同，到底係應該反向佩帶定係正常咁樣佩帶呢？阿史今次就同大家講一講啦！
作為近身保護皇室成員嘅最後一道防線，刀嘅擺法係好影響到佢哋到底能否保護到皇室成員。正常嘅腰刀佩帶嘅方式都係刀柄在前、刀鞘在後，咁樣先至可以用最快嘅速度抽刀，但原來清朝嘅大內待衛都係會反向佩帶腰刀。據清朝侍衛奕賡所寫嘅《侍衛瑣言》就講到，其實喺康熙、雍正、乾隆時期，大內侍衛都係會正向佩帶腰刀，但到乾隆後期反向佩帶就成為主流。
其實呢種刀柄在後、刀鞘在前嘅佩帶方式就係叫做「太平腰刀」，意思就即係同皇帝表達自己絕無異心，亦都唔會攻擊皇帝咁解。呢種佩帶方式嘅盛行，其實就即係意味住當時係處於太平盛世，禮儀比實用性更加重要！
原圖嚟自網絡