以往阿史都同史友們介紹過清朝最後一位皇帝溥儀一生當中係擁有過唔少珍貴，而即使佢最後被逼離開皇宮，但佢仍然通過各種方式帶咗唔少皇家珍貴出嚟。近日，就有一隻曾經屬於溥儀珍藏極罕百達翡麗拍賣，阿史今次就同大家講一講啦！
其實即使唔係由溥儀所擁有，百達翡麗嘅名錶本身就已經係錶中貴族，由1839年創立嘅呢個品牌時至今日總產量都仍然低於100萬隻，可見呢個牌子手錶嘅珍貴程度，而溥儀珍藏嘅呢一款世上亦都只係得8枚，咁到底溥儀同呢隻名錶之間又有咩故事呢？
溥儀曾經擁有嘅正正就係百達翡麗型號96 Quantieme Lune腕錶，係佢經常都配戴嘅手錶，但溥儀並唔係呢隻錶最後一位主人。故事由日本喺二戰投降講起，溥儀就被蘇聯俘虜並送到收容所，喺呢5年嘅時光當中，佢就同一位精通漢語嘅翻譯Georgy Permyakov患難真情，喺離開蘇聯前嘅一日，溥儀就將呢隻手錶送咗畀對方，單憑呢一點就已經令到呢杖百達翡麗手錶極具歷史意義！
原圖嚟自網絡