喺中國古代嘅封建皇朝，不時都會發生皇帝殯天而皇太子又太過年幼未能勝任皇帝嘅情況，為咗防止母黨勢力過太，唔少皇帝喺臨終之前都會搵嚟「顧命大臣」託孤。而清朝咸豐帝就搵嚟以下八位贊襄政務大臣輔佐同治，但不幸地呢八位大臣最終都係鬥唔過慈禧。
喺咸豐帝死後，佢喺熱河避暑山莊行宮病死前就已經寫下遺詔，指明三名御前大臣、五名軍機大臣「輔弼皇太子載淳為帝，總攝朝政」，佢哋分別係載垣、端華、肅順、景壽、穆蔭、匡源、杜翰以及焦祐瀛。呢八人嘅平均年齡係 45歲 ，至於佢哋嘅對手東太后慈安、西太后慈禧就只係兩個26歲嘅女子。
初時朝廷嘅狀況就係分為兩股勢力，一方就係慈禧勢力，而另一方就係八位贊襄政務大臣嘅勢力，喺最初嘅時候係可以達致政治上嘅平衡。但後來隨住慈禧一方聯合咸豐皇帝細佬恭親王奕訢、醇郡王奕譞發動辛酉政變，廢除咸豐皇帝遺詔後，載垣、端華被賜死，肅順被斬首，穆蔭被撤職流放，景壽被降職，匡源、杜翰、焦佑瀛三人被革職查辦，八位贊襄政務大臣冇一個係有好下場。
原圖嚟自網絡