乾隆同和珅之間嘅故事相信史友們都知道唔少，但其實和珅能夠逐步成為一人之下、萬人之上嘅大貪官，背後其實係離唔開乾隆皇帝對佢嘅放任。要知道喺乾隆晚年就曾經賦予咗唔少特權畀和珅，令到佢可以同時兼任軍機大臣、御前大臣、文華殿大學士等要職，最有油水位嘅人事、財權攬於一身，想唔貪都真係幾難。咁到底點解乾隆皇帝會咁放任和珅？背後有冇咩特別原因，阿史今次就同大家講一講啦！
相傳喺弘曆仲未成為乾隆皇帝之前，佢就曾經同一位妃子當熟絡並且深受對方吸引，作為太子嘅佢喺進宮之時甚至仲會同呢位對鏡梳妝嘅妃子互相打鬧。呢一幕就被弘曆母后見到，並且認為呢位妃子調戲太子，於是賜帛自盡。得知消息嘅乾隆就認為係自己害死對方，佢當時就用朱砂喺妃子頸上點一點並且表示「我害爾矣，魂而有靈，俟二十年後，其複與吾相聚乎?」
講到呢度到底又同和珅有咩關係呢？原來喺弘曆成為皇帝之後，佢就喺和珅額頭上見到紅色胎記，並且和珅出生之年正係呢位妃子離世嘅年份，而佢自己又同和珅有緣，所以乾隆就對和珅額外寵信喇！
原圖嚟自網絡