喺唔少同朱元璋相關嘅畫作當中，相信大家經常都會見到朱元璋長相嘅兩個版本，其一就係圓潤英俊嘅樣，而另一個版本就係生得好似「鞋拔」、布滿黑痣咁樣。咁到底邊個版本嘅畫作先再係佢真容呢？阿史今次就同大家講一講啦！
喺13張朱元璋傳世嘅畫作當中，其實就只係得兩張生得靚仔嘅版于，其餘11張都係將佢嘅臉部拉長而且畫到佈滿黑痣，兩種風格真係差天共地，咁到底邊樣先係真呢？答案竟然係咁出人意表！喺《明太祖像真偽考》當中就有得出一個結論，「考證異形像為偽，而正形像為真」，即係醜樣嘅版本係刻意為之，而靚仔版本先至係真實嘅。
斷估宮中嘅畫師都唔會咁大膽專登將皇帝畫成咁樣，咁到底呢件事係邊個做呢？原來古人都相信「異人必有異相」，出身貧民嘅朱元璋最怕就係被人睇唔起，所以為咗令人信服佢，一直以嚟都做過唔少神化自己嘅行為，而後者學者就推斷「鞋拔臉」好大機會係朱元璋本人嘅傑作。
原圖嚟自網絡