提起考古發現，可能唔少史友第一時間都覺得呢件事同香港冇乜太大關係，之不過近日衙前圍村就有考古工程完成，並且有咗一啲新奇嘅發現，阿史今次就同大家講一講啦！
早喺2016年，市建居為咗評估圍村地底到底有冇埋藏昔日圍牆遺跡及村民聚居嘅證據，就特別從海外邀請咗國際考古專家朱莉亞（Ms.JulieVanDenBergh）為衙前圍村作獨立文物影響評估。相關嘅考古發掘工程就喺去年年中結束，朱莉亞團隊就喺角樓以及圍牆地基發現咗遺跡佐證古代建築技術，報告亦都指出呢次出土嘅圍牆地基應該就係村民喺較近嘅年代之時重新使用，而圍牆上嘅一啲石頭亦都用作回填護城河以及建屋。
至於喺文物方面，考古團隊亦都搵到唔少古時使用嘅日常工具，例如夜壼、清代墨台、捕魚器具以及耕牛相關木具等等。雖然呢啲發現唔算得上係破天荒，但就可以證明到喺衙前圍村昔日嘅村落已經發展到一定嘅繁華程度，村民亦都有能力買到外國進口商品。基於呢份報告，市建局亦都由此改良保育公園嘅設計，預計公園就會喺2030年落成。
原圖嚟自網絡