近日屬於中國「末代皇帝」愛新覺羅‧溥儀嘅百達翡麗手錶就喺香港展開拍賣，最終手錶就以4900萬港元嘅高價售出，同時亦都創下所拍嘅帝王腕表中嘅最高價格。
溥儀出生喺1906年，以2歲之齡成為咗清朝皇帝，但隨住世界局勢嘅變化，佢嘅單止失去皇位，仲喺1945年被蘇聯紅軍俘虜，隨後被囚禁長達5年。今次拍賣嘅呢隻百達翡麗手錶，唔單止係目前已知只有8隻存世嘅Reference 96 Quantieme Lune型號，而且喺歷史意義上呢隻手錶更加係陪伴住溥儀喺蘇聯被囚禁。而喺溥儀離開蘇聯之時，佢就將呢隻百達翡麗工藝巔峰之作送咗畀俄羅斯翻譯作為禮物，所以手錶背後嘅歷史價格都係極高。
喺拍賣之前呢隻手錶嘅估值為2300萬港元，但經過6分鐘激烈競價後，手錶最終由一位住喺香港嘅收藏家以電話出價4900萬港幣帶走呢件珍品。
原圖嚟自網絡