喺今日上午，國家文物局就召開咗考古中國重大項目重要進展工作會，其中就集中商代最新考古發現作出通報，並且喺陝西清澗寨溝遺址有咗重要嘅考古發現。
早喺2022年陝西省考古研究院就已經重啟陝北商代考古工作並對寨溝遺址及周邊調查勘探，結果就喺呢個遺址當中發現到9處高等級貴族墓地，其中3處更係有七座甲字墓葬，係陝北地區迄今為止發現規模最大、數量最多、等級最高嘅商代墓葬。
而喺呢啲商化墓葬當中，考古團隊經過發掘之後就搵到銅、金、玉、陶、石、骨、貝等隨葬品200餘件，其中M1號墓葬仲出土咗銅車馬器，銅鈴、銅軛首、銅觽形器、鑲綠松石銅八角形衡飾、衡末飾等重要器物，唔單止同殷墟王陵區大墓出土品相似或相同，而且仲顯示出濃厚殷墟高等級用器色彩。
相關嘅發現當然唔單止咁，喺現行嘅考古工作研究指出，商代晚期嘅陝北地區已經發展出高度嘅青銅文明，而且同中原殷墟文化聯繫緊密，呢一點係超越咗大家以往嘅認知。
原圖嚟自網絡