繼續同史友們介紹我國最新嘅考古發現,要喺草原、沙漠呢啲廣闊而又特殊嘅地點有考古發現一直都唔係容易嘅事,而近日喺內蒙古自治區呼倫貝爾市新巴爾虎左旗就罕有地首次發現到赭石岩畫,阿史今次就同大家講一講啦!
據了解,今次赭石岩畫嘅發現係經過呼倫貝爾博物院與呼倫貝爾新巴爾虎左旗博物館研究人員長達兩年嘅研究,先至將新巴爾虎左旗嵯崗鎮伊和烏拉山一處巨大獨立岩石上發現嘅彩繪岩畫確認為赭石彩繪岩畫。
考古學家相信,古代嘅草原先民之所以會喺岩石上畫畫,都係代表住佢哋對狩獵、畜牧、徵戰、祭祀、繁育等方面嘅信仰以及真實寫照,呢啲發現亦都係草原先民推動草原文明向前發展嘅重要歷史見證。
原圖嚟自網絡
評論:
共0 條評論