繼續同史友們介紹我國嘅一啲千奇百趣嘅發現，相信史友們都知《封神榜》姜子牙嘅座騎因為似龍非龍、似鳳非鳳、似麒非麒、似龜非龜而被稱為「四不像」。呢種咁神話嘅生物自然就唔會喺自然界見得到，但作為二級重點保護野生動物嘅「四不像」中華鬣羚，就時隔兩年再次喺雲南現物。
事源就係，喺雲南保山的龍陵小黑山省級自然保護區內幾個唔同位置嘅紅外線相機捕捉到四段中華鬣羚珍貴畫面，隨即就引嚟網民熱議。呢種被稱為「四不像」嘅中華鬣羚屬於國家級嘅易危物種，佢最大嘅特點就係頭角似鹿非鹿、蹄似牛非牛、頭似羊非羊，尾像驢非驢，所以又名四不像。而由於呢種生物有住咁奇特嘅外貌，所以當地民眾都將佢嘅形象同原始嘅四不像聯繫，中華鬣羚又有「麒麟獸」、「天馬」等稱呼。
神話當中姜子牙嘅座騎雖然「四不像」，但就被形容為有「龍之威、鳳之貴、麒之勇、龜之靈」，但現實嘅呢種四不像就因為生性膽小、行蹤隱秘，只能喺懸崖峭壁或人跡罕至地方覓食，所以見到佢哋嘅機會真係相當難得！
原圖嚟自網絡