除咗菠蘿包之外，另一種喺香港好受歡迎嘅包就係雞尾包。據一名老行尊表示，雞尾包大約喺五十年代出現，仲早過六十年代先出現嘅菠蘿包。咁呢款經典港包係點嚟嘅呢？當年香港經濟唔多好，物資短缺，啲商家唔想浪費，就將賣剩嘅麵包蛋糕等攪碎，然後再加入椰絲同糖做餡，整成咗雞尾包。個名叫雞尾包，就係因為加入唔同麵包做餡料，就好似啲雞尾酒咁混合而成。