喺1946年3月，英國前首相邱吉爾喺美國密蘇里州發表咗場世紀演說，題為〈和平砥柱〉，主要係拉攏啲盟友一齊對抗蘇聯同東歐嘅社會主義國家，揭開美國同蘇聯冷戰嘅序幕。

喺密州富爾敦威斯敏斯特學院嘅演說當中，邱吉爾用「鐵幕」（Iron Curtain）嚟攻擊蘇聯，「從波羅的海思德丁到亞得里亞海邊的里雅斯特，一幅横貫歐洲大陸嘅鐵幕已經降下。呢個鐵幕背後座落喺所有中歐、東歐古老國家嘅首都──華沙、柏林、布拉格、維也納、布達佩斯、貝爾格勒、布加勒斯特同索菲亞。呢啲著名都市和周圍嘅人口全都位於蘇聯勢力範圍之內，不但落入蘇聯影響之下，而且越來越強烈地受莫斯科所控制」。

邱吉爾認為，對於蘇聯擴張，絕對唔可以採取「綏靖政策」嚟應對，呼籲英美結成同盟，阻止蘇聯。演說之後兩個禮拜，北大西洋公約組織(NATO)正式成立，自此世界分為「鐵幕內」同「鐵幕外」兩個陣營，而呢場世紀演說亦稱之為「鐵幕演說」。

不過原來邱吉爾唔係第一個人用「鐵幕」嚟形容蘇聯，喺1945年，納粹德國嘅宣布部長戈培爾就曾經以鐵幕一詞，形容蘇聯同佔領國背後收收埋埋唔少秘密。

原圖取自網絡。