最近有位大學同學翻看《時間簡史》，仲好詳細咁同阿史解釋本書有幾正。《時間簡史》其實由著名物理學家霍金編寫，聽聽吓位大學同學嘅分享，突然諗起霍金原來早喺2006年就嚟過香港，去咗科技大學何善衡體育館主講「宇宙的起源」。

原來霍金呢個香港之旅曾經發生過一件小插曲，話說霍金好友、時任中文大學數學研究所所長丘成桐諗住邀請霍金去中大，但中大高層同其他教授商量過之後，就覺得請霍金要成60萬旅費、好貴，同埋筆錢可以請到好幾位著名學者，於是作罷。不過時任科大校長朱經武同科大理學院院長鄭紹遠知道之後，認為霍金訪港可以喺學術、精神上為學生樹立榜樣，就是決定接手，承擔所有費用。

丘成桐之後講返件事，話有本港企業家因為霍金去科大演說，而特意捐贈300萬港元俾科大，令科大「名利雙收」。鄭紹遠仲話，霍金訪港之後嗰年，科大理學院嘅收生人數創歷年新高，證明霍金訪港鼓勵到香港學生投身科研。科大雖然執二攤，但可以話係收穫豐富~

原圖取自網絡。