全國人大委員會副秘書長李飛响釋法記者會上話立法會議員嘅宣誓內容辱華係「不懂歷史」，呢位京官中攞咗本《香港史》出嚟書中記錄咗日本侵華歷史兼犯下滔滔暴行。咁究竟呢本書對呢段歷史係點寫呢？

响呢本著作嘅第十四章，即係The Greater East Asia Co-prosperity Sphere（大東亞共榮圈），就寫低咗港島淪陷後嘅日軍暴行，包括响醫院強姦護士以及屠殺醫生同病人。文中亦引述咗一個戰俘嘅記錄，話傷者被殺後，班醫生就被迫排隊，排好之後就被日軍用槍刺死或者被斬頭。

另外，文中仲有提及當時中國人响呢段淪陷時期嘅慘況。好似香港著名醫生李樹芬開設嘅醫院，就接收咗以萬計被強姦嘅受害女性；而一名叫John Stericker嘅人就憶述見到响纜車車站有中國人俾日軍掛咗上樹吊死咗。

日軍响二戰時攻陷香港，所犯嘅的確係滔滔罪行。